கிழக்கு மாகாணத்தில் இம்முறை பொதுத் தேர்தலில் 10 இலட்சத்து 87 ஆயிரத்து 776 பேர் வாக்களிப்பதற்குத் தகுதி பெற்றுள்ளனர். 2014 ஆம் ஆண்டின் வாக்காளர் இடாப்பின் படியே பொதுத் தேர்தல் நடைபெறவுள்ளது. இதன்படி திகாமடுல்ல மாவட்டத்தில் 4 இலட்சத்து 65 ஆயிரத்து 757 பேர், தொகுதி அடிப்படையில் அம்பாறையில் 1,61,999 பேரும் சம்மாந்துறையில் 60,357 பேரும் கல்முனையில் 71,254 பேரும் பொத்துவிலில் 152,147 பேரும் தகுதி பெற்றுள்ளனர். மட்டக்களப்பு மாவட்டத்தில் 3 இலட்சத்து 65 ஆயிரத்து 167 பேர் தொகுதி அடிப்படையில் கல்குடா 1,05,056 பேரும் மட்டக்களப்பு 1,72,499 பேரும் பட்டிருப்பு 87,612 பேரும் வாக்களிக்கத் தகுதி பெற்றுள்ளனர். திருகோணமலை மாவட்டத்தில் 2 இலட்சத்து 56 ஆயிரத்து 852 பேர் தொகுதி ரீதியில் சேருவில 74,070 பேரும் திருகோணமலையில் 86,978 பேரும் மூதூர் 95,804 பேரும் வாக்களிக்கத் தகுதி பெற்றுள்ளனர்.
