சந்தேக நபர்களான பூ.பிரசாந்தன் மற்றும் அவரது சகோதரர் பூ.ஹரனுக்கும் பிணை வழங்குமாறு கோரி மட்டக்களப்பு மேல் நீதிமன்றத்தில் தாக்கல் செய்யப்பட்ட மனு மீதான விசாரணை வழக்கு, மட்டக்களப்பு மேல் நீதிமன்ற நீதிபதி திருமதி வி.சந்திரமணி முன்னிலையில் எடுத்துக்கொள்ளப்பட்டது.
இதன்போது, இவர்கள் இருவரும் தலா 50 ஆயிரம் ரூபாய் ரொக்கப்பிணையிலும் 10 இலட்சம் ரூபாய் பெறுமதியான இரண்டு சரீரப்பிணைகளிலும் செல்ல நீதிபதி அனுமதி வழங்கினார்.
அத்துடன், ஒவ்வொரு வாரத்திலும் திங்கட்கிழமை மற்றும் வியாழக்கிழமைகளில் நண்பகல் 12 மணிக்கு முன்பதாக காத்தான்குடி பொலிஸ் நிலையத்தில் இவர்கள் இருவரும் கையொப்பமிட வேண்டும் எனவும் நீதிபதி உத்தரவிட்டார். -
