"14 ஆம் திகதி பாராளுமன்றம் கூடும் பட்சத்தில் ஒரு பாரிய மோதல் ஏற்படும். சில சமயம் சிலர் மரணிக்கவும் நேரிடும் எனவும் சிலர் தெரிவித் தனர். அதை அவ்வாறு நடக்க விட்டிருப்பின் 14 ஆம் திகதி பாராளுமன்றத்தில் பாரதூரமான நிலைமை ஏற்பட்டிருக்கும் என்பதை உணர்ந்திருந்தேன்.ஆகையால் இதற்கான சிறந்த தீர்வாக எனது பொறுப்புக்கும் கடமைக்கும் ஏற்ப ஜனநாயகத்தை மிக உயர்வாக மதித்து சுதந்திரமான நியாயமான தேர்தலொன்றின் மூலம் பாராளுமன்ற உறுப்பினர்களைத் தேர்ந் தெடுப்பதற்கும், பிரச்சினைகளைத் தீர்த்துக் கொள்வதற்கும் நாட்டின் வாக்குரிமை பெற்றிருக்கும் ஒரு கோடியே 50 இலட்ச வாக்காளர்களிடம் அந்த அதிகாரத்தை பெற்றுக் கொடுக்க தீர்மானித்தேன்.
இதன்மூலம் பாராளுமன்ற உறுப்பினர்கள் மத்தியில் ஏற்பட்ட ஊழல்மிக்க தன்மை, சபாநாயகரின் செயற்பாட்டினால் ஏற்பட்ட முரண்பாடான நிலைமை உள்ளிட்ட அனைத்தையும் கருத்திற் கொண்டு மிகவும் சிறந்த ஜனநாயக ரீதியிலான நியாயமான தீர்வாக அப்பொறுப்பை பொதுமக்களிடம் கையளிப்பதன் மூலம் ஜனநாயகத்தின் உயரிய நோக்கங்களை அடையும் வகையிலேயே நான் பாராளுமன்றத்தைக் கலைத்து பொது தேர்தலை நடத்த தீர்மானித்தேன்.
