இதற்கு முன்பும் கருணா அம்மான் தொடர்பான விசாரணைகள் CIDயால் மறைக்கப்பட்டது ! | Battinews.com

இராணுவ வீரர்கள் 2000 - 3000 பேரை ஒரே இரவில் தான் கொலை செய்ததாக கருணா அம்மான் தெரிவித்த கருத்து தொடர்பாக அண்மையில் குற்றப்புலனாய்வு திணைக்களத்தில் அவரிடம் வாக்குமூலம் பெறப்பட்டது.

இருப்பினும், இதற்கு முதல் கருணா அம்மான் குறித்து குற்றவியல் புலனாய்வுத் துறை மேற்கொண்ட பல விசாரணைகள் மஹிந்த ராஜபக்ஷ அரசாங்கத்தால் அடக்கப்பட்டுள்ளன என்பதும் தெரிய வந்துள்ளது.

மஹிந்த ராஜபக்ஷவின் முதல் ஆட்சி காலத்தில் கருணா அம்மான் பிரித்தானியாவில் நடைபெற்ற சுற்றுச்சூழல் மாநாட்டில் கலந்து கொள்ள இலங்கை சுற்றுச்சூழல் ஆணைக்குவின் பணிப்பாளரின் அழைப்பைப் பயன்படுத்தி சென்றிருந்தார். இதற்கமைய அதன்படி, சுற்றுச்சூழல் அதிகாரசபையின் அழைப்பின் படி, புலனாய்வு அமைப்புகளால் போலி பாஸ்போர்ட் தயாரிக்கப்பட்டு, கருணா அம்மான் இங்கிலாந்துக்கு தப்பிக்க முடிந்தது.

இவ்வாறு பிரத்தானியாவிற்கு போலி பாஸ்போர்ட் பயன்படுத்திய குற்றச்சாட்டுக்கு அங்கு கைது செய்யப்பட்ட கருணா அம்மானுக்கு இரண்டு ஆண்டுகள் சிறைத்தண்டனை விதிக்கப்பட்டது. போலி பாஸ்போர்ட் சம்பவம் காரணமாக இலங்கையில் இருந்த தங்கள் வீசா வழங்கல் பிரிவை இந்தியாவுக்கு மாற்ற பிரிட்டிஷ் நடவடிக்கை எடுத்துள்ளதாக ஊடகங்கள் செய்தி வெளியிட்டிருந்தன.

கருணாவின் போலி பாஸ்போர்ட் குறித்து பிரிட்டிஷ் காவல்துறை இலங்கை குற்றவியல் புலனாய்வுத் துறைக்கு (சிஐடி) தகவல் அளித்திருந்தாலும், ராஜபக்ஷ அரசாங்கத்தின் அழுத்தம் காரணமாக சிஐடி விசாரணையை கைவிட வேண்டியிருந்தது.

அதேபோல் முன்னாள் தமிழர் விடுதலைக் கூட்டணியின் நாடாளுமன்ற உறுப்பினர் நடராஜா ரவீராஜை படுகொலை செய்ய பயன்படுத்தப்பட்ட அரசு புலனாய்வு அமைப்புகள் கருணாவுக்கு வழங்கியது துப்பாக்கி என சிஐடி விசாரணைகளின் போது தெரிய வந்துள்ளது.

2007ம் ஆண்டு கந்தளாய் பிரதேசங்களில் சில இடங்களில் இருந்த ரகசிய முகாம்களில் அரச புலனாய்வு பிரிவினால் கருணா அம்மானின் குழுவிற்கு கிட்டத்தட்ட 400 தானியங்கி துப்பாக்கிகள் வழங்கப்பட்டுள்ளன எனவும் நடராஜா ரவிராஜ் கொலைக்கு பயன்படுத்தியது அதில் ஒரு துப்பாக்கி எனவும் விசாரணைகளில் தெரியவந்துள்ளது.

ஆனால் அரசாங்கத்தின் அழுத்தம் காரணமாக சிஐடி விசாரணையை கைவிட நிர்பந்திக்கப்பட்டுள்ளது.

இதனால், கருணா அம்மானின் தற்போதைய அறிக்கை மீது சட்டம் அமல்படுத்தப்படும் என்ற ராஜபக்ஷ அரசாங்கத்தின் கூற்றுக்கள் கேலிக்குரியதாகத் தெரிகிறது என சிங்கள ஊடகம் ஒன்று செய்தி வெளியிட்டுள்ளது.