மட்டக்களப்பு மாவட்டத்தில் கிழக்கு மாகாண சுகாதார அமைச்சினால் 170 அபிவிருத்தி திட்டங்கள் 96 மில்லியன் ரூபா செலவில் மேற்கொள்ளப்பட்டு வருவதாக கிழக்கு மாகாண சுகாதார அமைச்சு தெரிவித்துள்ளது.
இவற்றுள் சுகாதாரத் துறையுடன் தொடர்புடைய 129 செயற்திட்டங்களும் சிறுவர் மேம்பாட்டுடன் தொடர்புடைய 19 திட்டங்களும் விளையாட்டுத்துறை அபிவிருத்திக்கான 13 செயற்திட்டங்களும் 5 சமூக சேவை திட்டங்களும் சுதேசிய வைத்தியத்துறை சார்ந்த திட்டங்களும் கூட்டுறவு அபிவிருத்திக்கான ஒரு செயற்திட்டமும் மேற்கொள்ளப்பட்டு வருகின்றன.
மட்டக்களப்பு மாவட்டத்திலுள்ள மாவட்ட வைத்தியசாலைகள் மற்றும் தள வைத்தியசாலைகள் கிராமிய வைத்தியசாலைகளுக்கு தேவையான வளங்களை பெற்றுக்கொடுப்பதற்கும் சுகாதார அலுவலகங்களின் வசதிகளை மேம்படுத்துவதற்கும் இதனூடாக நிதி ஒதுக்கீடு செய்யப்பட்டுள்ளது.
இவ்வருடம் சுகாதார அமைச்சினூடாக ஒதுக்கீடு செய்யப்பட்ட நிதியின் மூலம் மேற்கொள்ளப்பட்டு வரும் பெரும்பாலான வேலைத் திட்டங்கள் நிறைவடையும் நிலையிலுள்ளதாகவும் ஏனைய திட்டங்கள் இவ்வருட இறுதிக்குள் பூர்த்தி செய்வதற்கும் திட்டமிடப்பட்டுள்ளதாகவும் அமைச்சு மேலும் தெரிவித்துள்ளது.
.
