தமிழ் மக்கள் சிறந்த தலைமைத்துவமொன்றை தேர்ந்தெடுக்காமையே பிரச்சினைகளுக்கு காரணம்
கிழக்கு மாகாண உள்ளூராட்சி ஆணையாளர் உதயகுமார்
அந்நிகழ்வில் பிரதம அதிதியாக கலந்து கொண்டு உரையாற்றுகையிலேயே அவர் இவ்வாறு தெரிவித்தார்.
அவர் தொடர்ந்தும் குறிப்பிடுகையில்,
கல்வி, பொருளாதாரம் போன்ற துறைகளில் எமது மக்கள் பின்னடைந்துள்ளனர். அபிவிருத்தி என்பது கட்டிடங்களை வைத்து எடை போடக்கூடாது. இன்று கிழக்கு மாகாணத்தில் எத்தனையோ கட்டிடங்கள் கட்டப்பட்டு பாவனைக்கு உட்படுத்தாமல் காணப்படுகின்றன. எமது மக்களின் ஊக்கமின்மையே இதற்கு காரணம்
இன்று எங்கு சென்றாலும் குப்பைப் பிரச்சினைகள் இருப்பதாக கூறப்படுகின்றது. குப்பைகளை கழிவாகப் பார்க்கக் கூடாது. அதனை வளமாக மாற்ற நினைக்க வேண்டும். நினைத்தால் ஏதோ ஒரு வகையில் குப்பைகள் பிரயோசனமடைகின்றன. இதனை பசளையாக தயாரிக்கும் ஒரு முறையினை அம்பாறை மாவட்டத்தில் ஒரு நிறுவனத்தின் உதவியுடன் ஆரம்பித்துள்ளோம். இதனையும் எதிர்வருங்காலங்களில் மட்டக்களப்பு மாவட்டத்திலும் அமுல்படுத்தவுள்ளோம். இதன் மூலம் குப்பை பிரச்சினை எதிர்காலத்தில் தீர்த்து வைக்கப்படும். அடுத்து வீதி விளக்குப் பிரச்சினையும் இன்று அனைவராலும் முன் வைக்கப்படுகின்றது. இன்று வீதி விளக்குகளை அமைக்கும் பொறுப்பினை முற்று முழுதாக இலங்கை மின்சார சபையிடம் ஒப்படைக்கப்பட்டுள்ளது. பிரதேச சபைகள் வீதி விளக்குகளை அமைக்கக் கோருகின்ற போது அதற்கான மின்சாரக் கட்டணத்தினை பிரதேச சபை செலுத்த வேண்டுமென கேட்கின்றனர்.
இதுவே இன்று எழுந்துள்ள பிரச்சினை. இதனால் தான் வீதி விளக்குகள் அமைப்பதில் சிரமங்கள் ஏற்பட்டுள்ளன.
களுவாஞ்சிக்குடியில் குப்பைகள் கொட்டும் இடத்தில் முறையற்ற விதத்தில் குப்பைகள் கொட்டப்படுவதாக கிராமத்தலைவர் முன் வைத்த வேண்டுகோளிற்கிணங்க இதற்கான நடவடிக்கையை நிச்சயமாக மேற்கொள்வேன். எமது மக்களிடையே இன்று பங்குபற்றுதலும் பாராட்டுகின்ற தன்மையும் குறைவடைந்து செல்கின்றது. இந்நிலை மாற வேண்டும். மக்கள் வாழும் போதே வாழ்த்தப்பட வேண்டும். இன்று எமது மக்கள் வாசிப்பில் ஈடுபடும் தன்மை குறைவாகவே காணப்படுகின்றது. ஆகவே நாம் வாசிப்பில் அதிக அக்கறை செலுத்த வேண்டும் எனவும் கூறினார்.
