சம்பவம் பற்றி தெரியவருவதாவது,
கல்முனை வாடி வீட்டு வீதியில் இயங்கி வந்த நிதி நிறுவனமொன்றின் முகாமையாளர் அந்நிறுவனத்தின் ஊடாக குத்தகை அடிப்படையில் முச்சக்கரவண்டி, மோட்டார் சைக்கிள் என்பவற்றை சிலருக்கு பெற்றுக் கொடுத்து அம்மக்கள் மாதாந்தம் செலுத்தும் பணத்தை தலைமைக் காரியாலயத்துக்குச் செலுத்தாது இருந்துள்ளார்.
இந்நிலையில், குறிப்பிட்ட வாகனங்களுக்கு குத்தகை செலுத்தப்படவில்லையென தலைமைக் காரியாலயத்தினால் அறிவிக்கப்பட்டு அவை பறிமுதல் செய்யப்பட்டன. இதனையடுத்து பாதிக்கப்பட்ட மக்கள் கல்முனை பொலிஸ் நிலையத்தில் முறைப்பாடு செய்துள்ளனர்.
அதனையடுத்து குறிப்பிட்ட நபர் பொலிஸாரினால் தேடப்பட்டு வந்த நிலையில் அவர் சட்டத்தரணி மூலம் கடந்த 12ஆம் திகதி நீதிமன்றத்தில் சரணடைந்தார். பின்னர் இவரின் சட்டத்தரணிகள் அவரை பிணையில் செல்ல அனுமதிக்குமாறு சமர்ப்பிக்கப்பட்ட பிணை மனுவை நிராகரித்த நீதிபதி அவரை எதிர்வரும் 21ஆம் திகதி வரை விளக்கமறியலில் வைக்குமாறு உத்தரவிட்டார்.
