.jpg)
கல்முனைப் பிரதேசத்தில் கடமையாற்றும் பட்டதாரி பயிலுனர்கள் மிகுந்த சிரமங்களுக்கு மத்தியிலே பணிபுரிந்து வருகின்றனர். இவர்களில் பெரும்பாலானோர் வறுமை நிலைக்குட்பட்ட குடும்பங்களைச் சேர்ந்தவர்களாவர்.
இந்நிலையில், கல்முனையில் பணிபுரியும் பட்டதாரிகளுக்கான 10 ஆயிரம் ரூபா சம்பளம் 07ஆம் அல்லது 08ஆம் திகதிகளிலே வழங்கப்பட்டு வருவது வழமையாகும். இந்நிலையில் இம்முறை 12ஆம் திகதியாகியும் தமக்கான சம்பளம் வழங்கப்படவில்லை என விசனம் தெரிவிக்கின்றனர். இது தொடர்பில் கல்முனை பிரதேச செயலகம் சென்று அங்கு தமக்கான சம்பளத்தினை வழங்குமாறு பிரதேச செயலாளரிடம் முறையிட்டுள்ளனர்.
மேலும், தமது சம்பளம் இழுத்தடிப்பு செய்யப்படுவது தொடர்பாக பட்டதாரிகள் பிரதேச அரசியல் பிரமுகர்களின் கவனத்திற்கும் கொண்டு வந்துள்ளனர்.
