ஏற்றுக்கொண்டதால் பத்து வருடங்களுக்கு ஒத்தி வைக்கப்பட்ட கடூழிய சிறைத்தண்டனையும் தண்டமும் விதித்து மட்டக்களப்பு மேல் நீதிமன்றத்தில் தீர்ப்பு வழங்கப்பட்டுள்ளது.
மட்டக்களப்பு மேல் நீதிமன்ற நீதிபதி சந்திரமணி விஸ்வலிங்கம் இத்தீர்ப்பினை வழங்கியுள்ளார்.
விடுதலைப்புலிகள் சந்தேக நபரான செங்கலடியைச் சேர்ந்தவர் மீது மூன்று குற்றச்சாட்டுக்களின் பேரில் சட்டமா அதிபரால் மட்டக்களப்பு மேல் நீதிமன்றத்தில் வழக்குத் தொடரப்பட்டிருந்தது.
கடந்த 2009 ஆம் ஆண்டு கைது செய்யப்பட்டு விளக்கமறியலில் வைக்கப்பட்டிருந்த மேற்படி சந்தேக நபர் மீது (அப்பொழுது 27 வயது) 2011 மார்ச் மாதம் குறித்த வழக்கு பயங்கரவாத தடுப்பு சட்டத்தின் கீழ் தாக்கல் செய்யப்பட்டது.
கைக்குண்டு எறிந்து ஜகத், குசுமசிறி எனும் இரு இராணுவ வீரர்களை கொலை செய்ய எத்தனித்தாரென இரு குற்றச்சாட்டுக்களும் கைக்குண்டை வைத்திருந்தாரென மூன்றாவது குற்றச்சாட்டும் சுமத்தப்பட்டு சட்டமா அதிபரால் மட்டக்களப்பு மேல் நீதிமன்றத்தில் வழக்கு தாக்கல் செய்யப்பட்டு விசாரணை நடைபெற்றது.
எனினும் மூன்றாவது குற்றச்சாட்டு தொடர்பில் விசாரணையின் போது குற்றச்சாட்டு தொடர்பான தரவுகள் பதிவுகள் கொண்ட ஆவணங்கள் ஏறாவூர் பொலிஸாரால் நீதிமன்றத்தில் சமர்ப்பிக்கப்படவில்லை.
இந்த ஆவணங்களை பொலிஸ் நிலையத்தில் இல்லையெனத் தெரிவிக்கப்பட்டதால் சந்தேக நபர் மீதான குற்றச்சாட்டுப் பத்திரத்தைத் திருத்தி மாற்றியமைத்த குற்றங்களாக சுமத்தப்பட்டது.
இதன்படி மட்டக்களப்பு மேல் நீதிமன்றத்தில் மேல் நீதிமன்ற நீதிபதி சந்திரமணி விஸ்வலிங்கம் முன்னிலையில் வழக்கு விசாரணை நடைபெற்றது.
மேலும் இந்த வழக்கு விசாரணைக்கு எடுத்துக் கொள்ளப்பட்ட போது சந்தேக நபரான கனகசூரியம் லோகேஸ்வரன் இராணுவத்தினர் இருவரைக் கொலை செய்ய எத்தனித்தமை தொடர்பான இரு குற்றச்சாட்டுக்களுடன் திருத்தப்பட்ட மூன்றாவது குற்றச்சாட்டான தீங்கு விளைவிக்கும் ஆயுதம் வைத்திருந்தமை (சுடுபடைக்கலன்கள் சட்டத்தின் கீழ்) தொடர்பான குற்றச்சாட்டையும் ஒப்புக்கொள்வதாக தெரிவித்தார்.
இதனைத் தொடர்ந்து நீதிபதி சந்திரமணி விஸ்வலிங்கம் சந்தேக நபர் ஆறரை வருட காலமாக விளக்கமறியலில் இருந்து வருவதையும் முன் குற்றமில்லாமையையும் கவனத்திற்கொண்டு தீர்ப்பு வழங்கினார்.
இதன்படி மூன்று குற்றங்களுக்கும் ஏக காலத்தில் அனுபவிக்கத்தக்கதும் பத்து வருடங்கள் ஒத்தி வைக்கப்பட்ட தலா இரு வருட கடூழியச்சிறையும்
ஒவ்வொரு குற்றத்திற்கும் தலா பத்தாயிரம் ரூபா தண்டமும் விதித்து நீதிபதி தீர்ப்பளித்தார்.
தண்டப்பணம் செலுத்தத்தவறினால்தலா ஒரு வருட கடூழியச்சிறை அனுபவிக்க வேண்டுமெனவும் தீர்ப்பில் தெரிவிக்கப்பட்டுள்ளது.
