அதிபர் சு.உதயகுமார் அவர்கள் கடந்த 25 ஆண்டுகாலமாக கல்வி சேவையில் தன்னை அர்ப்பணித்து தற்போதும் அதிபர் சேவையில் பழுகாமம் கண்டுமணி மகா வித்தியாலயத்தில் சேவையாற்றி வருகின்றார்.
இவர் 1990ம் ஆண்டில் இருந்து மட்/மண்டூர் 39 அ.த.க. பாடசாலையில் ஆசிரியராக பின் அப்பாடசாலையிலே அதிபராகவும் 2003ம் வரை சேவையாற்றினார். அதிபர் நியமனத்திற்கு 2000ம் ஆண்டு உள்வாங்கப்பட்டார்.
பின்னர் 2003 இல் இருந்து 2009 வரையும் மட்/மண்டூர் 40 அ.த.க.பாடசாலையில் கட்மையாற்றி பலரின் வேண்டுகோளுகிணங்க தனது ஊரில் சேவையாற்ற வேண்டும் என்ற எண்ணத்தோடு 2009 - இன்று வரையும் பழுகாமம் கண்டுமணி மகா வித்தியாலயத்தில் அதிபராக சேவையாற்றி வருகின்றார். கடந்த மாதம் கொழும்பிலே கல்வி அமைச்சர் அகில விராஜ் காரியவசம் அவர்களின் தலைமையில் இடம்பெற்ற விழாவில் கலந்து கொண்டு அதிபர் சேவை தரம் 1 இற்கான பதவி உயர்வினை பெற்றுக்கொண்டார். இவரை பாடசாலைச் சமூகம் பாராட்டி கௌரவிக்கின்றது.
