ஏறாவூர், புன்னைக்குடா வீதியைச் சேர்ந்த பாண் வியாபாரிக்கே இக்கதி நேர்ந்துள்ளதாகவும் பொலிஸார் கூறினர். 'கையடக்கத் தொலைபேசி நிறுவனமொன்றிலிருந்து தொடர்புகொள்வதாகக் கூறிய ஒருவர், ஏழு இலட்சம் ரூபாய் பரிசுத்தொகை எனக்கு விழுந்துள்ளதாகவும் அதை பெறவேண்டுமாயின், வங்கிக்கணக்கில் 55,000 ரூபாவை வைப்பிலிடுமாறும் கூறினார். அதன்படி 55,000 ரூபாவை வைப்பிலிட்டுவிட்டு, அழைப்பு வந்த தொலைபேசி எண்ணுடன் தொடர்புகொண்டபோது அது செயலிழந்திருந்தது.
இதன் பின்னரே பண மோசடி செய்யப்பட்டுள்ளதை தெரிந்துகொண்டேன்' என பாதிக்கப்பட்ட நபர் முறைப்பாட்டில் தெரிவித்துள்ளார். இந்தச் சம்பவம் தொடர்பில் விசாரணையை முன்னெடுத்துள்ளதாகவும் பொலிஸார் கூறினர். இவ்வாறான மோசடி அழைப்புக்களில் ஏமாந்து பணத்தை பறிகொடுக்கவேண்டாம் என ஏறாவூர் பொலிஸ் பொறுப்பதிகாரி தீப்தி விஜயவிக்கிரம கேட்டுக்கொண்டுள்ளார்.
