கடந்த 2009ஆம் ஆண்டு பெப்ரவரி மாதம் 21ஆம் திகதி ரி 56–2 ரக தன்னியக்க துப்பாக்கி ஒன்றையும் 30 வெடிக்காத ரவைகளையும் உடைமையில் வைத்திருந்ததாக குற்றம் சுமத்தி அவருக்கு எதிராக வழக்கு தாக்கல் செய்யப்பட்டது. இந்த வழக்கு மட்டக்களப்பு மேல்நீதி மன்றத்தில் தொடரப்பட்டு மேல்நீதிமன்ற நீதிபதி விசுவலிங்கம் சந்திரமணி முன்னிலையில் விசாரிக்கப்பட்டு வந்தது.
இவ்வழக்கில் குற்றத்தை நிரூபிப்பதற்காக அரச தரப்பில் உப பொலிஸ் பரிசோதகர் ஜயரத்தின, சார்ஜன்ட் மொஹமட், சார்ஜன்ட் ஜயரத்தின, பொலிஸ் கான்ஸ்டபிள்களான விமலரத்தின, சுசிதா, கொக்கொட்டிச்சோலை பொலிஸ் நிலையப் பொறுப்பதிகாரி கருணதிஸ்ஸ, சிரேஷ்ட உதவி அரச இரசாயன பகுப்பாய்வாளர் பி.ஜி. மதவல ஆகியோர் சாட்சியமளித்தனர்.
எதிராளியான சி.குணசீலன் குற்றத்தில் தனக்கு சம்பந்தம் இல்லை என்று சாட்சியமளித்தார். இவரின் சார்பில் சிரேஷ்ட சட்டத்தரணி பேரின்பம் பிறேம்நாத்தும் அரச தரப்பில் சட்டத்தரணி லாபீரும் ஆஜராகினர். '
வழக்கு விசாரணை முடிவில் அரச தரப்பில் அழைக்கப்பட்டிருந்த சாட்சிகளான உபபொலிஸ் பரிசோதகர் ஜயரத்தின, சார்ஜன்ட் ஜயரத்தின,பொலிஸ் கான்ஸ்டபிள் விமலரத்தின ஆகியோரின் சாட்சியங்களுக்கிடையில் பாரிய முரண்பாடு காணப்படுவதாகவும் மேலும் சான்றுக்கட்டளைச் சட்டத்தின் பிரிவு 27 (1)இன் கீழ் எதிரியினால் பொலிஸ் பரிசோதகர் ஜயரத்தின என்பவருக்கு வழங்கப்பட்ட வாக்கு மூலத்தின் அடிப்படையில் குறித்தசான்றுப் பொருட்களான தன்னியக்க சூழல் துப்பாக்கியினையும் வெடிக்காத ரவைகளையும் கண்டுபிடித்திருந்ததாக சாட்சியமளித்திருந்த போதிலும் எதிரியினால் அவ்வாறான வாக்குமூலம் வழங்கப்பட்டிருந்ததா என்பதில் முழு சாட்சியத்தையும் எடுத்துப்பார்க்கும் போது சந்தேகம் எழுவதாகவும்
இதனால் அரச தரப்பானது நியாயமான சந்தேகத்துக்கு அப்பால் குற்றச்சாட்டை நிரூபிக்கத் தவறிய காரணத்தினால் எதிரியை விடுதலை செய்வதாக மேல் நீதிமன்ற நீதிபதி தீர்ப்பு வழங்கினார்.
