நேற்று காலியில் இடம்பெற்ற நிகழ்வொன்றில் கலந்து கொண்ட போதே அவர் மேற்கண்டவாறு கருத்து தெரிவித்துள்ளார். அவர் மேலும் குறிப்பிடுகையில்,
சிலர் தனியார் மருத்துவக் கல்வியை எதிர்க்கின்றனர். ஆனால் எமது நாட்டிலுள்ள பல வைத்தியர்கள் வெளிநாட்டில் கற்றவர்கள். வெளிநாடுகளில் தனியார் வைத்தியக்கல்லூரி விஸ்தரிக்கப்பட்டுள்ளன. ஆனால் அதற்கு தனிப்பட்ட காரணங்களை காட்டி முடக்குகின்றனர். அது அவர்களின் தனிப்பட்ட நோக்கத்துக்காக மட்டுமே.
அரசாங்கம் சப்ரகமுவ, வடமேல் மற்றும் மொரட்டுவை பல்கலைக்கழகங்களில் வைத்திய பீடத்தை நிறுவ திட்டமிட்டுள்ளதோடு, இதன் நிமித்தம் இரத்தினபுரி வைத்தியசாலையை அபிவிருத்தி செய்யவுள்ளது. குளியாப்பிட்டிய ஆதார வைத்தியசாலையை போதனா வைத்தியசாலையாக அபிவிருத்தி செய்யவுள்ளது. நாம் இந்நாட்டில் உள்ள இலவச சுகாதாரத்துறையை பாதுகாக்க தேவையான அனைத்து வேலைத்திட்டங்களையும் செய்கின்றோம். ஆனால் அவ் வேலைத்திட்டங்களை குறைகூறி பழகியவர்களுக்கு எங்களால் எதுவும் செய்ய முடியாது.
தற்போது சட்ட வரைஞர் திணைக்களத்திலுள்ள வைத்திய கல்விக்கான தகுதியை இரண்டு வாரங்களுக்குள் வர்த்தமானியில் வெளியிடவுள்ளோம். இதன்மூலம் வைத்திய கல்விக்கான அனைத்து தராதரங்க ளையும் அனைவரும் அறிந்துகொள்ள முடியும் என்றார்.
