யூ.எஸ்.எயிட் நிறுவனத்தினால் உதவியளிக்கப்படும் திட்டங்களைப் பார்வையிடுவதற்காக கிழக்கு மாகாணத்திற்கு வருகை தந்திருந்த அவர் திங்கட்கிழமை 25.09.2017 மட்டக்களப்பு மென்கபெப (;MENCAFEP (Mentally Handicapped Children and Families Educational Programme ) மாற்றுத் திறனாளிகள் பராமரிப்பு நிலையத்திற்கு விஜயம் செய்தார்.
நிகழ்வுகளைப் பார்வையிட்ட பின்னர் அங்கு தொடர்ந்து உரையாற்றிய அவர்ளூ இலங்கையில் உள்ள சிறுவர்கள் மீது நாம் அக்கறை கொண்டுள்ளதால் அவர்களது நலன்சார்ந்த பல்வேறு திட்டங்களை அமுல்படுத்துவதற்கு உதவி ஒத்தாசைகளை அளித்து வருகின்றோம்.
ஆனால், சிறுவர்கள் அவர்கள் எந்த மதம், இனம், மொழி, ஆற்றல் கொண்டவர்கள் என்ற எந்தப் பின்னணியையும் நாம் கவனிப்பதில்லை, நாம் அவர்களை வீட்டினுள் முடங்கிக்கிடக்க இடமளிக்காமல் சமுகத்தின் மத்தியில் கொண்டுவரவேண்டும் எனும் எண்ணம் நம் அனைவரது மனதிலும் உருவாக வேண்டும் .
எங்களது பார்வையில் சிறுவர்கள் சிறுவர்கள்தான். அத்தகையவர்களுக்கு சமவாய்ப்புடன் வாழ்வதற்கான உரிமையை அங்கீகரிக்க வேண்டும். அதற்காக நாம் பாடுபடுகின்றோம்.'என்றார்.
