நாராஹேன்பிட்டி மோட்டார் வாகன போக்குவரத்து திணைக்களத்தின் கணினி அமைப்பில் இருந்த அனைத்து தரவுகளும், வாலான மத்திய ஊழல் தடுப்புப் பிரிவின் அதிகாரிகள் மற்றும் கணினி நிபுணர் குழுவினால் வெற்றிகரமாகப் பதிவு செய்யப்பட்டுள்ளன.
பொலிஸாரின் கூற்றுப்படி, இந்தச் செயல்பாட்டிற்கு 24 மணித்தியாலங்களுக்கும் அதிகமான நேரம் எடுத்துள்ளது.
இதன்போது, உள்நாட்டுத் தரவுத் தொகுதிக்குள் பிரவேசித்து அனைத்துத் தரவுகளையும் மிகவும் பாதுகாப்பான முறையில் பதிவு செய்ய நிபுணர் குழுவால் முடிந்துள்ளத
இந்தத் தரவுத் தொகுதியைக் கொண்டு எதிர்காலத்தில் விரிவான மற்றும் ஆழமான ஆய்வுகள் மேற்கொள்ளப்படவுள்ளதாகப் பொலிஸார் தெரிவித்துள்ளனர்.
இது தவிர, மோட்டார் வாகன போக்குவரத்து திணைக்களத்தின் கணினி அமைப்பில் உள்ள சில தரவுகள் அமைப்பினுள்ளேயே மாற்றியமைக்கப்பட்டுள்ளதாகத் தகவல்கள் வெளியாகியுள்ளதாகவும் பொலிஸார் கூறுகின்றனர்.
அமைப்பில் இடம்பெற்றுள்ள முறைகேடுகள் அல்லது மாற்றங்கள் தொடர்பான அனைத்து உண்மைத் தகவல்களையும் இந்தத் தரவு ஆய்வின் மூலம் எதிர்காலத்தில் வெளிக்கொணர முடியும் என பொலிஸார் மேலும் தெரிவித்தனர்.
