(யுதர்சினி)
வாழைச்சேனை பொதுசன நூலகத்தில் தேசிய வாசிப்பு மாதத்தை முன்னிட்டு நடாத்திய போட்டி நிகழ்வுகளில் வெற்றி பெற்ற மாணவர்களுக்கு வெற்றிக் கிண்ணங்களும் சான்றிதழ்களும் நேற்று(6) வெள்ளிக்கிழமை காலை வழங்கி வைக்கப்பட்டது.
நிகழ்வில் கலந்து கொண்ட சிரேஷ்ட விரிவுரையாளர் ம.வர்ணகுலசிங்கம் மற்றும் நலன்விரும்களாலும் ஒரு தொகை புத்தகங்கள் நூலகத்திற்கு அன்பளிப்பும் செய்யப்பட்டது.
மேற்படி நூலக உத்தியோகஸ்தர்களின் ஏற்பாட்டில் நூலகர் க.ருத்ரன் தலைமையில் இடம்பெற்ற இந்நிகழ்வில் வாழைச்சேனை பிரதேச சபை செயலாளர் எஸ் எம் சிஹாப்தின், கிழக்கு பல்கலைக்கழக சிரேஷ்ட விரிவுரையாளர், கிராம சேவகர், வைத்தியர் திரு. பாலகிருஷ்ணன், நூலக அலுவலர்கள், ஊழியர்கள், ஆசிரியர்கள், வாசகர் வட்ட தலைவர், மாணவர்கள் மற்றும் நலன்விரும்பிகள் எனப் பலரும் கலந்து கொண்டனர்.
