தற்போதைய pfizer தடுப்பூசி அளவுகள் காலாவதியாகிவிட்டதாகவும் அதனால் அந்த தடுப்பூசிகள் மேற்கொண்டு தடுப்பூசி போடுவதற்கு தகுதியற்றவை என்ற பிரச்சாரம் பொய்யானது என்றும் பொரளை லேடி ரிட்ஜ்வே சிறுவர் வைத்தியசாலையின் தடுப்பு மருந்து கிளினிக்கிற்குப் பொறுப்பான பிரதம வைத்தியர் மஹிந்த விக்கிரமாராச்சி தெரிவித்துள்ளார்.
பொரளை புனித லூக்கா தேவாலயத்தில் இன்று (12) ஆரம்பமான தடுப்பூசி போடும் நிகழ்ச்சியில் கலந்து கொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்.
மேலும், உலக சுகாதார அமைப்பு மற்றும் சுகாதார அமைச்சகம், தொடர்புடைய ஃபைசர் தடுப்பூசி அளவை இன்னும் மூன்று மாதங்களுக்கு தடுப்பூசி நடவடிக்கைகளுக்குப் பயன்படுத்தலாம் என்று பரிந்துரைக்கப்பட்டுள்ளது.
எவருக்கும் ஃபைசர் தடுப்பூசியின் மூன்றாவது மற்றும் நான்காவது டோஸ்களைப் பெறுவதற்கான ஏற்பாடுகள் செய்யப்பட்டுள்ளன. இன்று (12) முதல் வார நாட்களில் திங்கள் முதல் வெள்ளி வரை காலை 8.00 மணி முதல் மாலை 5.00 மணி வரை அந்த தேவாலயத்தில் 12 முதல் 20 வயதுக்குட்பட்ட வர்களுக்கும் 01 மற்றும் 02 வது டோஸ் வழங்கப்படுகிறது.
