திருகோணமலை, சேருநுவர பொலிஸ் பிரிவுக்குட்பட்ட தங்கநகர் பகுதியில் காட்டு யானையின் தாக்குதலுக்கு இலக்காகி இரண்டு பிள்ளைகளின் தந்தை உயிரிழந்துள்ளதாக சேருநுவர பொலிஸார் தெரிவித்தனர்.
இச்சம்பவம் சனிக்கிழமை (30) காலை இடம்பெற்றுள்ளது.
தங்கநகர் பகுதியைச் சேர்ந்த 58 வயதுடையவரே காட்டு யானையின் தாக்குதலுக்கு இலக்காகி உயிரிழந்துள்ளார்.
இரவு வயலுக்கு காவலுக்குச் சென்று காலை வீடு திரும்பும் வேளையில் தோட்டம் ஒன்றிக்குள் மறைந்திருந்த யானை தாக்கியுள்ளதாக தெரியவந்துள்ளது.
இந்த விடயம் தொடர்பில் மேலதிக விசாரணைகளை சேருநுவர பொலிஸார் மேற்கொண்டு வருகின்றனர்.
குறித்த பகுதியில் தொடர்ச்சியாக யானையின் தாக்குதலினால் பலர் உயிரிழந்து வருவதாகவும் காட்டு யானைகள் ஊருக்குள் உள்நுழைவதை கட்டுப்படுத்த முறையான திட்டங்கள் எவையும் நடைமுறைப்படுத்தப்படவில்லை எனவும் மக்கள் கவலை வெளியிடுகின்றனர்.
.jpg)
