மட்டக்களப்பு மேற்கு கல்வி வலய சிறுவர் விளையாட்டு போட்டி இன்று(29) வெள்ளிக்கிழமை தாண்டியடி ஸ்ரீமுருகன் விளையாட்டு மைதானத்தில் இடம்பெற்றது.
பதில் வலயக்கல்விப் பணிப்பாளர் திருமதி சிவசங்கரி கங்கேஸ்வரன் தலைமையில் இடம்பெற்ற போட்டியில் தரம் 3, தரம் 4, தரம் 5 வகுப்புகளைச் சேர்ந்த ஆண், பெண், கலப்பு என 45அணிகள் பங்குபற்றின.
விளையாட்டு நிகழ்வினை உத்தியோக பூர்வமாக ஆரம்ப பிரிவு பிரதிக் கல்விப் பணிப்பாளர் திருமதி. உ. விவேகானந்தம் ஆரம்பித்து வைத்தார்.
இதன் போது வெற்றி ஈட்டிய அணிகளைச் சேர்ந்த மாணவர்களுக்கு சான்றிதழ்களும், முதலிடத்தினை பெற்ற அணிகளுக்கு வெற்றிக் கிண்ணங்களும் வழங்கி வைக்கப்பட்டன.
இந்நிகழ்வில் வலய பிரதிக்கல்விப் பணிப்பாளர்களான வை. சி.சஜீவன், திருமதி தேவரஜனி உதயகரன், ரி. யசோதரன், க. ரகுகரன், திருமதி உ. விவேகானந்தம் எஸ்.சக்திதாஸ், கோட்டக்கல்விப் பணிப்பாளர் மூ. உதயகுமாரன், உதவிக்கல்விப் பணிப்பாளர் எஸ். சந்திரகுமார், கணக்காளர் கணேசமூர்த்தி இணைப்பாளர்கள், அதிபர்கள், ஆசிரிய ஆலோகர்கள் ஆகியோர் கலந்து கொண்டிருந்தனர்.
.jpg)
