தெமட்டகொட பொலிஸ் பிரிவிற்குட்பட்ட ஹாலிபுல்ல தோட்டம் பகுதியில் 100 கிராம் 'ஐஸ்' போதைப்பொருளுடன் சந்தேகநபர் ஒருவர் கைது செய்யப்பட்டுள்ளார்.
கொழும்பு மாவட்ட குற்றத் தடுப்புப் பிரிவின் அதிகாரிகளுக்குக் கிடைத்த தகவலுக்கு அமைய, நேற்று (06) இரவு இந்தச் சோதனை நடவடிக்கை மேற்கொள்ளப்பட்டது.
கைது செய்யப்பட்ட சந்தேகநபர் 19 வயதுடைய கொழும்பு 15 பகுதியைச் சேர்ந்தவராவார்.
கொழும்பு மாவட்ட குற்றத் தடுப்புப் பிரிவினர் மேலதிக விசாரணைகளை மேற்கொண்டு வருகின்றனர்.
