கிழக்கு மாகாண முதலமைச்சராக ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் அமைச்சருமான ஹபீஸ் நஸீர் அஹமட் பரிந்துரைக்கப்பட்டமை மற்றும் கட்சியிலிருந்து இடைநிறுத்தப்பட்டுள்ளமை தொடர்பில் ஏ.எம்.ஜெமீலிடம் மேற்கண்வாறு தெரிவித்தார்.
அவர் மேலும் தெரிவிக்கையில்
கிழக்கு மாகாண முதலமைச்சுப்பதவி அம்பாறை மாவட்த்திற்கே வழங்க வேண்டும் என்பதை நான் தொடர்ச்சியாக வலியுறுத்தி வந்தேன். குறிப்பாக ஆட்சி மாற்றத்தின் பின்னர் எனது பெயர் முதலமைச்சர் பதவிக்காக பரிசீலனை செய்யப்பட்டு வந்தது. இருப்பினும் தற்போது ஹபீஸ் நஸீர் அஹமடின் பெயர் பரிந்துரை செய்யப்பட்டு முதலமைச்சராக சத்தியப்பிரமானம் செய்துள்ளார். இந்நிலையில் அம்பாறை மாவட்டத்தை மு.கா தொடர்ச்சியாக புறக்கணித்து வருகின்றது. இதற்காகவே மக்கள் ஆர்ப்பாட்டத்தில் ஈடுபட்டனர். அதற்கும் எனக்கு எந்தவொரு தொடர்புகளும் கிடையாது. மேலும் கட்சியின் உயர் பீட உறுப்பினர் கிழக்கு மாகாண குழுத்தலைவர் இளைஞர் காங்கிரஸ் அமைப்பாளர் என பதவிகளை வகித்து அர்ப்பணிப்புடன் செயற்பட்டு வரும் என்மீது கட்சித் தலைமைக்கு ஐயப்பாடுகள் காண்ப்பட்டால் அம்பரைறையைச் சேர்ந்த மன்சூர் அல்லது அட்டாளச்சேனையைச் சேர்ந்த நஸீருக்கு வழங்குமாறு தலைமையிடம் நேரடியாகவே கோரிக்கை விடுத்தேன். என்னை பொறுத்தவரையில் அம்பாறை மாவட்டத்திற்கு முதலமைச்சர் பதவி வழங்கப்படவேண்டும் என்பதிலேயே நான் உறுதியாக இருந்தேனே தவிரவும் எனது தனிப்பட்ட சுயநலன்களுக்காக அல்ல என்பதை சுட்டிக்காட்ட விரும்புகின்றேன்.
அதேநேரம் தற்போது முதலமைச்சராக மு.கா தலைமையினால் பரிந்துரை செய்யப்பட்டு சத்தியப்பிரமாணம் செய்துள்ள ஹபீஸ் நஸீர் அஹமட்டை பொறுத்தவரையில் ஆரம்பத்தில் கட்சியின் பிளவுக்கு முக்கியமான காரணமாக இருந்தவர். அத்துடன் கட்சியின் தலைமையகமான தாருசலாமை இன்றை வரையில் சரியாக தௌிவுபடுத்தல்களிடம் முழுமையாக கட்சியிடம் ஒப்படைக்கவில்லை. மேலும் நடைபெற்று முடிவடைந்த ஜனாதிபதி தேர்தலில் தற்போதைய ஜனாதிபதி மைத்திரிபால சிறிசேனவை ஆதரிக்கும் முடிவை கட்சி எடுத்திருந்தபோதும் அம்முடிவுக்கு அவர் முழுமையாக உடன்பாடாதிருந்ததோடு பிரசார செயற்பாடுகளிலும் ஒதுங்கியிருந்தார் என்பது அனைவரும் அறிந்த விடயம். இவ்வாறான நிலையில் அம்பாறை மாவட்டத்தை புறக்கணித்து அவருக்கு பதவியளிக்கும் வகையில் சிறந்தவொருவர் என்பதை ஏற்க முடியாது என்பதுடன் அப்பதவிக்கு அவர் பொருத்தமற்றவர் என்றே நான் கருதுகின்றேன் என்றார்.
.jpg)
